رئيس التحرير:حسن عامر
رئيس مجلس الإدارة:شريف اسكندر

إيمان بكري : ديك أبوهم وديك أبونا ..فيديو

الخميس 21 فبراير 2013   6:15:56 م - عدد القراء 327


القت الشاعرة الكبيرة إيمان قصيدة "ديك أبوهم وديك أبونا"خلال لقائها مع الإعلامية ريم ماجد ,في برنامج"بلدنا بالمصري"على قناة الأون تي في ..تقول القصيدة:


يا صديقى ليه بتسال ديك أبوهم اسمه ايه

هما غارو بديك ابوهم ديك ابونا احنا ايه ؟؟

ايلى علمنا الغباوه فى التفاهم والحوار

وايلى وقفنا فى مفارق نفسنا ناخد قرار

ديك أبوهم كان صريح فى التبجح والفساد

ديك أبونا كان مريح فى المهاوده والسكات

ديك أبوهم كان مفرعن كان بيحلم بالميراث

استباح دم الغلابه كان نظام محروق بجاز

ديك ابونا كان ملوهشى فرع أصلا بالأساس

ديك أبوهم كان مبارك من ابلسه والفلول

ديك أبونا كان مشارك بالتوافق والقبول

ديك أبوهم كان مسستم على المصالح والتناحه والغباء

ديك أبونا كان متيس كان مهيس كان متيم بالولاء

يعنى بديك أبوهم حولو بلادنا لتكيه

واحنا برضو بديك ابونا كنا فارشين الوسيه

بالمباخر والموالسه والمبركه والدعاء

ديك ابوهم كان بيدن جيمى جى وياه الرفاق

ديك ابونا كان بيدن كوكو واواو وكوكو اى وكوكو واء

يعنى ديكنا وديك ابوهم للاسف كانو سواء

ديك ابوهم كان شبه كل الديوك

ايلى فرضيت الوصايه والتخلف على الشعوب

ديك ابونا قلنا طب ديككم على ديك الملوك

يمشى واحد يجى واحد كلنا فى الهم واحدوالشعوب هى الشعوب

ديك ابوهم لما ثورنا قال على الثوار نواياهم لئيمه

ديك ابونا لما ثورنا بكل همه حول الثوره لجريمه

ديك ابوهم لم اذنابه وقولنا ادخلوها خاضعين

ديك ابونا لسه مدهول بيسال الدخول يجماعه افضل بالشمال ولا باليمين

ديك ابوهم كان مرستق نفسه نزل الاحتياطى

ديك ابونا كوتش خايب راح مسلم اعتباطى

هما جابو فى ديك ابونا جون ولكن بالتراضى

واحنا جبنا فى ديك ابوهم جون ولكن افتراضى

والنتيجه ديك ابوهم لسه كاره للادان لسه مطلوق حر رغم انه المدان

ديك ابونا لسه مسجون جوا حلمه ودمه سايح فى الميدان

يعنى هما بديك ابوهم طلعو ديك ايلى جبنا واحنا برضو بديك ابونا لسه بنسدد حسبنا

و يلا غارو بديك ابوهم واحنا على ديك ايلى جبنا