عمرو أديب: "الناس حالتها زي الزفت وبقت على الحديدة"

الخميس 12 يناير 2017   10:06:54 ص - عدد القراء 224
عمرو أديب:




قال الإعلامي عمرو أديب، إن المصريين يعيشون حاليًا أوضاعا اقتصادية صعبة جدًا، موضحًا: "الناس دلوقتي حالتها زي الزفت وبقت على الحديدة".



وأضاف "أديب"، في برنامجه "كل يوم"، المذاع على قناة "on e": "في الفترة من عام 1967 إلى عام 1971، كان الشعب المصري يعيش في حالة ضنك، وأسوأ من الوقت الحالي، وكان المصريون صامدين"، لافتا إلى أن "البلد كانت تمول وتبني جيش، وكان وقتها البلد بتدفع للجيش إحنا دلوقتي الجيش بيدفع للبلد".



وتابع: "إحنا لازم نشوف الشعب المصري وقت النكسة كان عايش إزاي، نشوف البلد كانت عاملة ازاي وبتكمل السد العالي، محدش قال له السكر يا عبد الناصر، ولا الزيت يا عبد الناصر، مش بطلب تتقشف، ولكن نبص في تاريخنا ونشوف الناس كانت بتعمل ايه، وتجيلنا شوية عزة وكرامة وإحساس بالزهو، وأنك قادر ولما بتعوز بتقدر".



وطالب "أديب"، المصرييين بأن يكونوا مثل الأجيال السابقة، قائلًا: "أه الناس حالتها زي الزفت .. بس إفتكر الناس اللي كانت حالتها أسوأ"





تعليقات